Tuesday, September 18, 2007

احمد نجم










وبتطلبي مني الرحيل
وبـتـطـلـبــي مني الرحــيـــل على بعد خطوة من المرســى
أرحـــل وأســـيب حلــمـي الجمـيـل وتقولــي على بعـدك ارسى
وكأن حضنك اللي سكنه، مش مكاني
وكأن قلبك ، كل نبضه مش عشاني
وكأن عمر كياني كله ، سراب وويل
وبتطلبي مني الرحيل
وبتطلبي مني المحال ، والبعد وأنا روحي في ايدك
ونور حقيقتي يصبح خيال ، والكدب لسه في تنهيدك
والدمعه زيفة، وقلبي مش محتاج دليل
وتقولي خافة ، الدموع بعدك تسيل
وتزيدي في القول وفي عذابي المستحيل
وبتطلبي مني الرحيل
وبتطلبي مني الغياب، والصبر على حكم قدرنا
وتقولي نار بعدك عذاب، وزمنا هو اللي كسرنا
وبتنسبي لنفسك بالوهم كل التضحيات
وبترسمي جرحك والهم والشوق والآهات
وبتوهمي قلبي اللي حبك ، ان ولا غيرك عليل
وبتطلبي مني الرحيل
وبتطلبي مني البعاد ، بالبسمه والهمس الرقيق
لساني بهرب بالعناد ، لكنه ولا غيره طريق
إرحمي ضعفي ، إرحمي قلبي اللي حبك
حبيتك انتي وليه أنا لسه بحبك
ليه ترضي ليا الموت ، ولو حييتلك ، أعيش ذليل
وبتطلبي مني الرحيل
وبتطلبي مني الرحيل ، لكني ماليش إختيار
بالغصب هسكن ليل طويل،بالغصب هرضى بالمرار
ليه بتطلبيه مني بعد ما نويتي وخلاص
ليه تبعدي عني ،وانتي ليه ناويه الخلاص
ليه تخيريني، وضياعي حكم مالوش بديل
وبتطلبي مني الرحيل








posted by a7asessha3er at 3:16 PM 0 comments

Sunday, September 16, 2007

احمد نجم



من الأول غلطتي
انا تهت في أول سكتي
قلت العيون دي دنيتي
ورجعت في الآخر بكيت
كانت من الأول غلطتي
إديتك كل حـبـي ، إديتني المر بس
وزرعت الشوك في قلبـي ، وانت قلبك ما حس
كان حبـي كل ذنبـي ، وسيرك يوم تحس
تبكي وهتبقى جنبـي ، تنده وبأعلى حس
أهجر وإبعد بعيد ، سبلي القلبـ الوحيد ، ودموع ما تنساني
إبني قدامي سور ، وإفتح بينا البحور ، زود في أحزاني
لازم تصبح في يوم ، باكي وكلك هموم ، ترجعلي وحداني
إستنى شويه حلمك ، هما يدوبك يومين
ترجع من بعد هجرك ، لكن ترجع لمين
قلبـي وشايل لقلبك كلمه بعمر السنين
عايشه هتفضل في قلبك ، بعد غياب الحنين
جرب ناري بمرار ، وإبكى ودموعي تار ، يترد من تاني
أصرخ وإبكي بآه ، قلبـي يسمع صداه ، تفرحلو أحزاني
جرب دوق العذاب ، زي ماأنا قلبـي داب ، دلوقتي قدامي
فرحان قلبك ببعدك ، عايش وهم في قصور
عطشان قلبـي لحزنك ، بكره الأحزان تزور
خليك واهم بفرحك ، خلي الأيام تدور
تصبح الأحزان تهدك ، يصبح عليا الدور
في الفرح والأشتياق ، وأرجع بعد الفراق ، عيزاني دنيتي
وان كانت أحزاني نار ، يطلع جنبـي النهار ، وأنساك في سكتي
وهترحل ذكراك تروح ، وأصمد رغم الجروح ،
من الأول غلطتي



posted by a7asessha3er at 4:52 PM 0 comments

أحمد نجم

محتاج إليك
بشوفك قريب ، أسبق حنيني ، وأجري عليك
بشوفك قريب ، وبحضن ملامحك ، وبلمس إيديك
وبرموش عنيه بغمض عنيك
وفحضن حضني بضمك إليك
أنا ملك قلبك ، أنا ملك إيدك ، أنا كلي ليك
وألقاك سراب ، بيلعب بقلبي في ليلي الطويل
وبلقى العذاب ، بيفضل بقيلي بدموع وويل
وبهرب ، من وحدتي والوهم للأحلام
وبغرق ، في دمعتي وفي بحر حزني بنام
ويا ويلي من غربتي ، ويا ويلي من الأيام
وحتى في منامي ، بتمنى لحظة ألقاك
بشوقي وغرامي ،وبكل عمري معاك
لكن يدوب هدوب في حضن هواك
يطلع نهاري ، ودموعي نار بتقيد
يطلع عشان ، منك يخدني بعيد
تطلع عليا الشمس ، يرجعلي قلبي وحيد
والوحده مره ودمعي قريب
وأتمنى مره أشوفك قريب ، وأسبق حنيني ، أجري عليك
لو حتى مره أشوفك قريب، وأحضن ملامحك ، وألمس إيديك
وبرموش عنيه أغمض عنيك
وفحضن حضني أضمك إليك
حبيبي تعالى ، يا عمري تعالى ، محتاج إليك....
محتاج إليك




posted by a7asessha3er at 12:35 PM 0 comments

احمد نجم

سبيني أحبك
سبيني أحبك ، ولو في خيالي ، في عقلي ،في بالي
ما تمنعنيش
ولو بحلم وحلمي سراب ، ولو شوقي غراب كداب
ما يمنعنيش
ما العمر كله كان أحلام ، ونوم زايف في ليل أوهام
ولو فيكي عيوني تنام في لحظه حب
معاها هعيش
وهفضل أحبك وحبك وحبك ، ولو آخر غرامي
مافيش
سبيني أحبك ، ما أداري الشوق
وأطلع لنجم عنيكي ، لفوق
وأفرد جناحي بقوه وفوق
ألقى جناحاتي مافيهاش ريش
أغرق في بحر العين الأزق
وأعشق ، صراع الموج يبدأ
وأفرد شراعي وأعوم وأسبق
ألقى الشطوط ، بتفوت ما تجيش
وأرضى بأمل في خيوط دخان
يظهر شعاع الشمس ، يبان
ترحل ، تغيبـي مع النسيان
بغرق بمووت ، وبموتي .. بعيش
سبيني أحبك ، ما تمنعنيش ... ما تمنعنيش




posted by a7asessha3er at 5:51 AM 1 comments